ಮಂಗಳೂರು: ಮಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಭದ್ರತಾ ವ್ಯವಸ್ಥೆ ನೋಡಿಕೊಳ್ಳುತ್ತಿರುವ ಸಿಐಎಸ್‌ಎಫ್ ಸಿಬಂದಿಗೆ ಬಾಂಬ್‌ ಸೂಟ್‌ ಒದಗಿಸಲಾಗಿದೆ.
ಈ ಸೂಟ್‌ಗಳನ್ನು ಬಾಂಬ್‌ ಪತ್ತೆ ಮತ್ತು ನಿಷ್ಕ್ರಿಯ ದಳ ಬಳಸಿಕೊಳ್ಳಲಿದೆ. ನಾಗರಿಕ ವಿಮಾನಯಾನ ಭದ್ರತಾ ನಿಯಂತ್ರಣ ಅಗತ್ಯಗಳಿಗೆ ಪೂರಕವಾಗಿ ಅಗತ್ಯ ಕ್ರಮಗಳನ್ನು ಕೈಗೊಳ್ಳಲಾಗುತ್ತಿದ್ದು ಭದ್ರತಾ ತಂಡಕ್ಕೆ ಅತ್ಯಾಧುನಿಕ ಉಪಕರಣಗಳನ್ನು ಒದಗಿಸಲಾಗುತ್ತಿದೆ.
ಕಳೆದ ಡಿಸೆಂಬರ್‌ನಲ್ಲಿ ಬಾಂಬ್‌ ಪತ್ತೆ ಮತ್ತು ನಿಷ್ಕ್ರಿಯ ಉಪಕರಣಗಳನ್ನು, ಕಳೆದ ವರ್ಷ ಗುಂಡು ನಿರೋಧಕ ವಾಹನ, ಇತ್ತೀಚೆಗೆ ಹೆಚ್ಚುವರಿ ಬ್ಯಾರಕ್‌ ಒದಗಿಸಲಾಗಿತ್ತು.
