ನಾಗ್ಪುರ: ನಾಗ್ಪುರದಲ್ಲಿ ವಿಚಿತ್ರ ಘಟನೆಯೊಂದು ಬೆಳಕಿಗೆ ಬಂದಿದೆ. ವ್ಯಕ್ತಿಯೊಬ್ಬ 36 ವರ್ಷಗಳ ಕಾಲ ಗರ್ಭ ಧರಿಸಿದ್ದು, ಆತನ ಹೊಟ್ಟಯಲ್ಲಿ ಅವಳಿ ಮಕ್ಕಳಿರುವುದು ಕಂಡುಬಂದಿದೆ.
ನಾಗ್ಪುರದ ವ್ಯಕ್ತಿಯ ಉಬ್ಬಿದ ಹೊಟ್ಟೆಯನ್ನು ನೋಡಿದ ಜನರು ವಿಚಿತ್ರವಾಗಿ ನೋಡುತ್ತಿದ್ದರು.
ಆದರೆ, ಆತನ ಹೊಟ್ಟೆಯೊಳಗೆ ನಿಜವಾಗಿಯೂ ಮಕ್ಕಳು ಇದ್ದಾರೆ ಎಂದು ಯಾರೂ ನಿರೀಕ್ಷಿಸಿರಲಿಲ್ಲ.
ವರದಿ ಪ್ರಕಾರ, ನಾಗ್ಪುರದ ನಿವಾಸಿ ಸಂಜು ಭಗತ್ ಹೊಟ್ಟೆಯಲ್ಲಿ ಈ ಮಕ್ಕಳು ಕಂಡುಬಂದಿವೆ. ಬಾಲ್ಯದಲ್ಲಿ, ಭಗತ್ ತುಂಬಾ ಆರಾಮದಾಯಕ ಜೀವನವನ್ನು ನಡೆಸಿದ್ದಾನೆ. ಆದರೆ ಅವನ ಹೊಟ್ಟೆಯು ಸಾಮಾನ್ಯ ಮಕ್ಕಳಿಗಿಂತ ಸ್ವಲ್ಪ ಹೆಚ್ಚು ಉಬ್ಬುತ್ತಿತ್ತು. ಈ ಊತದ ಬಗ್ಗೆ ಅವರು ಎಂದಿಗೂ ತಲೆ ಕೆಡಿಸಿಕೊಂಡಿರಲಿಲ್ಲ. ಆದರೆ, ಕ್ರಮೇಣ ಇದು ಹೆಚ್ಚಾದಾಗ, ಕುಟುಂಬ ಸದಸ್ಯರು ಅದರ ಬಗ್ಗೆ ಚಿಂತಿಸತೊಡಗಿದರು.
ಮೊದಮೊದಲು ಭಗತ್‌ಗೆ ಹೊಟ್ಟೆ ಉಬ್ಬರಿಸಿದ್ದನ್ನು ನೋಡಿಯೇ ವಿಚಿತ್ರ ಅನ್ನಿಸುತ್ತಿತ್ತು. ಆದರೆ 1999 ರ ಹೊತ್ತಿಗೆ ಅದು ತುಂಬಾ ಊದಿಕೊಂಡಿತು. ಅವನಿಗೆ ಉಸಿರಾಡಲು ಸಹ ಕಷ್ಟವಾಗತೊಡಗಿತು. ಅಂತಿಮವಾಗಿ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಯಿತು ಮತ್ತು ಇಲ್ಲಿ ವೈದ್ಯರಿಗೆ ಗೆಡ್ಡೆಯ ಸಮಸ್ಯೆ ಇದೆ ಎಂದು ಮೊದಲ ನೋಟದಲ್ಲೇ ಅರ್ಥವಾಯಿತು. ಕೊನೆಗೆ ಡಾ.ಅಜಯ್ ಮೆಹ್ತಾ ಆಪರೇಷನ್ ಮಾಡಲು ಹೊಟ್ಟೆ ತೆರೆದಾಗ ಒಳಗೆ ಇದ್ದದ್ದನ್ನು ನೋಡಿ ದಿಗ್ಭ್ರಮೆಗೊಂಡರು. ಇಲ್ಲಿ ಗಡ್ಡೆಯ ಬದಲು ಬೇರೆಯದೇ ಇತ್ತು.
ಹೊಟ್ಟೆಯೊಳಗೆ ಅವಳಿ ಮಕ್ಕಳಿದ್ದವು
ವೈದ್ಯರು ಭಗತ್‌ನ ಹೊಟ್ಟೆಯಲ್ಲಿ ಮನುಷ್ಯನ ಆಕಾರವನ್ನು ನೋಡಿದರು. ಒಳಗೆ ಕೈ ಹಾಕಿದಾಗ ಕೈ-ಕಾಲುಗಳು ಸಿಕ್ಕವು. ಈ ವೇಳೆ, ಒಂದು ಕಾಲು ಹೊರಬಂದಿತು, ನಂತರ ಇನ್ನೊಂದು ಕಾಲು ಹೊರಬಂದಿತು, ನಂತರ ಕೆಲವು ಖಾಸಗಿ ಭಾಗಗಳು, ಕೂದಲು, ಕೈಗಳು, ಎಲ್ಲವೂ ಜೋಡಿಯಾಗಿ ಹೊರಬರುತ್ತವೆ. ಈ ಘಟನೆಯಿಂದ ವೈದ್ಯರು ಬೆಚ್ಚಿಬಿದ್ದರು. ಅವರು ಈ ಪ್ರಕರಣವನ್ನು ವ್ಯಾನಿಶಿಂಗ್ ಟ್ವಿನ್ ಸಿಂಡ್ರೋಮ್ ಎಂದು ಕಂಡುಕೊಂಡರು. ಆದ್ರೆ, ಈ ಮಕ್ಕಳು ಆತನ ಹೊಟ್ಟೆಯಲ್ಲಿ ಜೀವಂತವಾಗಿರಲಿಲ್ಲ. ಇವು ಗರ್ಭದಲ್ಲಿಯೇ ಕೊನೆಯುಸಿರೆಳೆದಿದ್ದವು.
